Founder

🙏🏾 জয় মা আৰু প্ৰকৃতি 🙏🏾

মই মাধৱ গগৈ, মা আৰু প্ৰকৃতি (Mother and Nature) আন্দোলনৰ প্ৰতিষ্ঠাপক হিচাপে বিশ্ববাসীক আন্তৰিক শুভেচ্ছা জনাইছোঁ।
এই আন্দোলন মোৰ বাবে কেৱল এটা সংগঠন বা অভিযান নহয়—ই এক মানৱীয় দৰ্শন, এক অন্তৰৰ আহ্বান। মই গভীৰভাৱে অনুভৱ কৰোঁ যে আজিৰ বিশ্বত মানুহে মানুহৰ পৰা দূৰত্ব বঢ়াইছে, অথচ আমি সকলো একে মাকৰ সন্তান—মা আৰু প্ৰকৃতিৰ সন্তান।
মোৰ বিশ্বাস—মানুহৰ সৰ্বশ্ৰেষ্ঠ পৰিচয় হ’ল মানৱ জাতি। জাতি, ধৰ্ম, ভাষা বা দেশ আমাৰ বিভাজনৰ কাৰণ হ’ব নালাগে। যিদৰে প্ৰকৃতিৰ কোনো জাতি বা ধৰ্ম নাই, ঠিক তেনেদৰে মানুহেও মানৱ ধৰ্মক সৰ্বোচ্চ স্থান দিব লাগিব।
মা আৰু প্ৰকৃতি আন্দোলনৰ জৰিয়তে মই এখন এনে বিশ্ব কল্পনা কৰোঁ— য’ত মানুহে মানুহক মা, দেউতা, বাই, ভনী, ককাই, ভাই আৰু পৰিয়াল হিচাপে সন্মান কৰে; য’ত ভাল কৰ্মেই ধৰ্ম; য’ত সকলো জীৱক সমান চকুৰে চোৱা হয়; আৰু য’ত শান্তি, ভাতৃত্ববোধ আৰু একতা জীৱনৰ মূল আধাৰ হয়।
মই সকলো মানৱ জাতিক আহ্বান জনাইছোঁ— সময় থাকোতেই আহক আমি লোভ, মোহ, ক্ৰোধ আৰু অহংকাৰ ত্যাগ কৰি এখন সুস্থ, সমান আৰু শান্তিময় পৃথিবী গঢ়ো।
এই পথত আপুনিও মোৰ সহযাত্ৰী হওক। হাতে হাত ধৰি আগবাঢ়িলে আমি নিশ্চিতভাৱে এখন সুন্দৰ বিশ্ব সৃষ্টি কৰিব পাৰিম।

🙏🏾 সেৱাৰে 🙏🏾
    মাধৱ গগৈ
    প্ৰতিষ্ঠাপক 

 মা আৰু প্ৰকৃতি

এক বিশ্ব • এক মানৱ জাতি • এক পৰিয়াল

Jai Maa aur Prakriti | জয় মা আৰু প্ৰকৃতি